Kazetarion beldur

Ez da erraza kazetarion jarduna, ez! Ezta hurrik ere! Bi gauzengatik: Alde batetik, ogibideak abilidade intelektual eta artistikoak uztartzen dituelako, eta horrek baduelako bere zailtasuna! Eta bestetik, kazetariok dugun ospe txarragatik.

Baten batek esango du: «Ospe txarra merezimenduz lortua!», eta arrazoia izango du, neurri batean. Badaude hortik morboa, alarmismoa eta txutxumutxuak piztea baino lortu nahi ez dutenak. Baten bekatuak denon artean ordaindu behar.

Orain prestatzen ari naizen artikuluan pairatu dut ospe txar hori. Ertzaintzarekin harremanetan sartu nahi eta, «barkatu, inork ez du prentsarekin berba egin nahi». Badaude tentuz tratatu beharreko gaiak, eta ulergarria izan daiteke, baina, zintzo, jorratzen ari naizen gaia ez dela horien tankerakoa. Kazetarion joera alarmistaren beldur ei dira.

Erremedioa gaitza baino okerragoa izan liteke... datu objektiboen faltan, usteetan oinarritu behar (?) ... eta badakizute, usteak erdi ustel.